ՍՈՎՈՐԻ՛Ր ԵՎ ՎԱՍՏԱԿԻ՛Ր

ՀԲԸՄ-ն Արցախից բռնի տեղահանված մեր հայրենակիցներին անվճար խորհրդատվական ծառայություններ է տրամադրում, որոնց ընթացքում մարդկային ռեսուրսների կառավարման մասնագետները, հաշվապահները և իրավաբանները ներկայացնում են սեփականության իրավունքի, անձնական կամ բիզնես վարկերի, բիզնեսը շարունակելու իրավական և ֆինանսական հարցերի, կրթական ծրագրերից օգտվելու հնարավորությունների, ներկա աշխատաշուկայի և մասնագիտական զարգացման և այլ հարցերի վերաբերյալ տեղեկություններ:

Անվճար խորհրդատվական ծառայությունները մատուցվում են ՀԲԸՄ Հայաստանի գրասենյակում (Մելիք-Ադամյան 2/2 փ.)։ Մասնակցության համար անհրաժեշտ է նախօրոք գրանցվել ստորև՝ ներկայացնելով ձեր խնդիրը կամ հարցը: Հայտը ստանալուց հետո մեր աշխատակիցները կապ կհաստատեն ձեզ հետ հանդիպման օրը նշանակելու համար:

Գրանցվե՛ք այստեղ:

Հաշվի առնելով Արցախից բռնի տեղահանված հայերի աշխատանքային կարիքները, աշխատաշուկայում ինտեգրվելու ճանապարհին առկա խոչընդոտները՝ ՀԲԸՄ-ն հնարավորություն կընձեռի նրանց մասնակցել կարճաժամկետ, սակայն հագեցած դասընթացների՝ ՀԲԸՄ-ի տարբեր ծրագրերի շրջանակներում։ Առաջարկվող դասընթացների շարքում են.

• Աշխատանքային հիմունքներ
• Ձեռներեցություն
• Ծրագրավորում
• Հարակից (soft) հմտություններ
• Մենթորություն
• Առցանց անգլերենի դասընթացներ

Առաջարկվող դասընթացները ժամանակ առ ժամանակ կարող են փոփոխվել՝ հաշվի առնելով շուկայի արդի պահանջները: Մասնակցության համար խնդրում ենք գրանցվել ստորև, որից հետո մեր աշխատակիցները կապ կհաստատեն ձեզ հետ հարցազրույցի հրավիրելու համար: Ընտրված մասնագիտական ուղղություններն ապահովում են սեղմ ժամկետներում վերապատրաստման և աշխատանքի անցնելու հնարավորություններ:

Գրանցումները կբացվեն շուտով:

ՀԲԸՄ-ի վերապատրաստումները հաջողությամբ անցած շահառուները հնարավորություն կստանան աշխատանք գտնել իրենց նախընտրած ոլորտներում: Շահառուների համար կկազմակերպվեն աշխատանքի տոնավաճառներ, կառաջարկվեն փորձառություն անցնելու և գործատուների հետ կապ հաստատելու հնարավորություններ:

Գրանցումները կբացվեն շուտով: